徐忠信設靈｜錢嘉樂未能見最後一面感遺憾：消息嚟得好突然
撰文：吳子生
出版：更新：
「大師兄」徐忠信今晚設靈，香港動作特技演員公會向徐忠信頒受《2023傑出動作表現》獎。（吳子生攝）
資深武打演員及武術指導「大師兄」徐忠信，於本月2日離世，享年70歲。喪禮今日（25/11）於大圍寶福紀念館設靈，讓親友作最後悼念。香港動作特技演員公會會長錢嘉樂受訪時表示：「其實喺佢走之前兩日，大家成班人仲同佢食飯有傾有講，完全睇唔到佢有咩事，大家仲傾嚟近春茗當晚安排頒個獎俾佢。而家諗返轉頭，係一反差，係天意弄人。（見唔見到佢最後一面？）消息嚟得好突然太快，嗰日啲師兄弟打俾我，話佢已經喺醫院，情況好危急，趕到去見唔到佢最後一面，我好遺憾。」
錢嘉樂無法見大師兄一面感遺憾。（吳子生攝）
副會長張雷透露大師兄生前只有少病痛，對他離世感痛心：「其實做我哋呢行，個個都係英雄好漢，唔係瞓低都唔會話自己病，一路保持住英雄形象。雖然大師兄走咗，一陣我哋會喺靈堂到會補返個《傑出動作表現》獎俾佢，但佢一路好走。」