【愛的故事下集】孫耀威陳美詩結束8年長跑 疑似墨爾本影婚紗相
撰文：溫菁莉
出版：更新：
早前榮升做西裝店老闆的孫耀威，近年都不時傳出與拍拖8年的女友陳美詩秘婚，但都遭二人否認，而上個月就有媒體指孫耀威計劃前往墨爾本、悉尼等地拍婚紗相，老孫聽到之後當然例牌話未有計劃啦，但今日就被網友發現準新人在墨爾本「疑似」拍婚紗相，究竟老孫幾時先同大家公佈「愛的故事(下集)」呢？
孫耀威及陳美詩拍拖8年，不時傳出結婚消息但都遭兩人否認，睇嚟今次真係「真·結婚」！
一身禮服打扮的老孫昨日喺微博話自己化身Bartender，期待遇上一個美女客人！（微博圖片）
同大家介紹返，呢度就係墨爾本著名景點Loch Ard Gorge，不少遊客都特意去影婚紗。(網上照片)
報導指，老孫同穿上婚紗的女友陳美詩再加上一行7位工作人員到墨爾本著名景點Loch Ard Gorge取景，拍攝過程中都非常嚴密，因為期間有工作人員做人肉圍牆遮擋其他人的鏡頭，看來真的保密到家。無獨有偶，老孫昨日都有在微博上載自己打黑煲呔配白裇衫（可能是自家品牌）疑似婚紗照禮服嘅相，仲寫上∶「今天我演的是一個Bartender! 期待遇上一個美女客人⋯⋯⋯」睇落「美女客人」應該係陳美詩。其實老孫同陳美詩相戀8年，經常在Facebook公開放閃，而Macy都「融入家中」因為同未來奶奶關係都好好，皆因孫耀威不時放上與母親及Macy三人合照。