前港姐林穎嫺長居美國仔女大晒有意復出拍戲：可以自由啲
撰文：吳子生
出版：更新：
久未公開露面長居美國87年港姐季軍林穎嫺今晚（28/11）為出席《慧妍雅集 愛心傳承40年》籌款節目，專程由美國洛杉磯飛抵香港。穎嫺表示：「好耐冇返嚟見大家，計一計原來都有10年時間冇返嚟香港。不過今次可借呢個機會逗留8至10日，順道搵吓香港啲地道美食，例如雲吞麵咁。雖然美國嗰邊都有得食，但始終冇香港嗰種味道，連我個女食過香港嘅蛋撻，佢都話同美國整嘅味道都唔一樣。（仔女是否支持復出拍戲？）哈哈，佢哋唔再需要我，因為佢哋都大個咗，變咗我可以自由啲啦，做返自己鍾意做嘅嘢。」