Rachel劉蘊晴透露《心靈師》月尾首播 爆片場老鼠突跌李璨琛隔離

撰文:朱奕錦
出版:更新:

澳門人氣YouTube頻道「微辣」的節目《微辣大排檔》相當受歡迎,今年5月尾「微辣大排檔」餐廳於香港正式營業,於今日(3日)舉辦開幕剪彩儀式,一班微辣藝人六毫子(陸志豪)、Rachel(劉蘊晴)、霍哥(霍俊邦)、加蔥(林茂發)、Yelo(黃曉晴)等都現身撐場,吸引幾十位粉絲等候,場面熱鬧。

微辣藝人齊聚剪綵。(葉志明攝)

作為微辣的人氣成員,早前Rachel有機會首次拍劇,參演李璨琛(Sam)主演兼監製的《心靈師》,她透露即將於26號首播:「好興奮,又好緊張,因為我第一次拍劇,仲要係做個好mean好mean嘅角色,所以我就覺得好期待啦,跟住好驚被大家鬧,希望冇啦,但鬧都冇計,應該唔會啩,應該都會喺大排檔搞一個首映,啲朋友或者公司同事一齊(睇)。」

餐廳中的車廂是Rachel最喜歡的一個區域。(葉志明攝)

劇集拍攝了大半年時間,Rachel直言有很多難忘的回憶:「我記得第一日拍劇,我係超緊張,然之後塊面勁水腫,跟住我好驚,後嚟因為導演、其他演員好似Sam哥、Dee哥佢哋都好好,好take care我哋呢啲細嘅,都分享好多佢哋嘅經驗,我都有愈嚟愈入戲,去到最後已經好唔捨得,即係我覺得係好似開工先最開心,因為我拍劇嘅時候經歷咗疫情,又有一段時間係停工咁,嗰陣時我好抑鬱,冇得開工就喺酒店一個人,反而開工好開心。」她更大爆拍攝期間趣事:「拍到最後嗰幾組,我哋凌晨開工,大家都好攰好眼瞓,Sam哥就瞓咗喺地下,即係嗰幕佢瞓咗喺地下暈咗嘅,其實佢已經瞓咗喺度唔知發生咩事,咁我就喺隔離背對著佢,影我背脊,然之後我就睇著突然間啪嗒一嘢,跌咗隻老鼠喺佢個嘅隔離,仲躝咗幾下,大家都望到,淨係Sam哥最近一個望唔到,我覺得好好笑,佢醒返先知啱啱後邊有隻老鼠,佢瞓著咗。」

Rachel好enjoy拍劇。(葉志明攝)

音樂方面,Rachel表示自己一路都有在寫歌:「嚟緊同Roberto(馬檇鏗)有一首新歌會出,咁就錄製禁嘅,就係之前我哋做騷嘅算係主題曲咁樣,遲啲可能都會配合一啲故事拍攝咁樣,我哋再籌備。跟住我自己都會有新歌,錄緊,keep住會有歌喺我channel度推出,大家都多多支持。」

Rachel與一班演員合作學到好多嘢。(葉志明攝)
+1