世界盃｜黃庭鋒捧英格蘭贏世界盃 孔德賢：黑馬摩洛哥唔好睇少
撰文：吳子生
出版：更新：
黃庭鋒孔德賢今晚約埋一齊睇世界盃。（葉志明攝）
足球狂熱份子黃庭鋒和孔德賢（Danny)今日（9/12）現身西九龍中心出席無綫劇集《法證先鋒V》宣傳造勢活動。提到卡塔爾世界盃八強賽事，於本港時間今晚11時展開，頭場由上屆亞軍克羅地亞對巴西。庭鋒表示：「今晚我同Danny都約埋睇球，我同佢本身心裡面都有一個情意結都係想英格蘭攞世界盃，我覺得佢哋對法國隊係有機會贏，因為英格蘭整體表現都踢好穩定，大家都好團結。不過論質素巴西始終係強，進攻防守都係勁，其實好多人都好想睇巴西尼馬大戰阿根廷美施，包括我在內，二個王者對決，唔似會係點。」
Danny接著說：「如果你問我邊隊有冠軍相，我反而會諗法國隊可唔可以衛冕冠軍，因為好多人都會話攞咗上屆冠軍之後，係好難再攞，咁所以我會諗佢哋係有機會打破呢個魔咒嘅。但睇返而家8強形勢，黑馬摩洛哥真係唔好睇少，因為佢哋唔似巴西勁旅咁多巨星，反而更加團結，唔似有粒粒巨星嘅球隊，會成日有球星玩性格嘅麻煩事出現。」