裕美尋父丨爸爸好惡常動武 童年活在恐慌中 :曾經唔想係日本人

撰文:程嵐風
出版:更新:

中日混血兒裕美今日在社交平台出尋人啟示,希望找回失聯22年的爸爸和田具久。裕美接受《香港01》訪問時,透露童年父母經常嗌交,甚至動武,在恐懼中成長,直言「曾經唔想自己係日本人」,但隨著人愈大,開始放低過去,想在有生之年再見爸爸一面。

裕美說:「想搵咗好耐,但一直喺香港都忙,知道一定要去日本搵,一日一日咁過去,如果再唔的起心肝行動就可能太遲,唔知現在會唔會可能都太遲啦,但日本人好長壽,可能明年會出發去搵。」裕美透露曾經去過駐港日本領事館查詢,但結果都是要親到當地領事館了解,她說:「爸爸個年代都冇手提電話,又唔會玩facebook或ig咁就更難搵。我20歲時有寄過嘢過去舊地址,但寄件返嚟話冇呢個人,唔知佢依家喺邊,我細個喺嗰邊同爸爸生活過,但冇乜親戚,只有嫲嫲,但佢當時都90幾歲,我諗應唔喺度,可能一對識我爸爸嘅朋友會知佢近況。」

裕美出尋父啟示。(ig@wadahiromi)
裕美話童年活在恐慌中,一家人開心一啲都唔快樂。(ig@wadahiromi)

裕美的爸爸比媽媽大十幾年,現在已經70幾歲。她指年幼時父母關係不好,一家人開心的時間不多,她說:「細個喺擔驚受怕嘅環境長大,喺日本返學時,一放學就奔跑返屋企,因為怕爸爸媽媽會動武、打架,我細細個就要等佢哋瞓着我先敢瞓覺。所以我細個係好唔開心,但又唔可以喊,因為喊又畀爸爸知,佢好惡,又搞到父母鬧交,呢啲係最深刻。」

裕美避談是否爸爸動武,只說:「我唔想媽媽唔開心,媽媽喺我心目中最重要。」但她直認曾經因為爸爸原故,有一段時間好唔鍾意日本人,好唔鍾意日本,甚至唔想自己係日本人。大個明白嗰個始終係我爸爸,兩人關係好細個唔清楚,我係恐慌中長大,佢哋嗌交其實我都唔知發生咩事,大個開始識諗,會放低一啲仇恨,始終都想有生之年見番佢。」

至於林作就繼續「玩嘢」本色,回覆謂:「佢(裕美)想搵佢老竇,因為佢依家搵到錢,佢想搵銀仔掟死佢(爸爸)!」

裕美媽媽年輕時好靚。(ig@wadahiromi)
裕美亦有樣有身材。(ig@wadahiromi)
+4