胡定欣今日（15/12）現身大埔為無綫賀年節目《新春開運王》開工。無綫台慶頒獎典禮日前公布視后10強入圍名單，龔嘉欣竟然被踢出局，令人十分意外，無緣角逐今屆視后寶座。其實在拉票期間，嘉欣講到自己拍劇時搏到盡斷手指尾時，一度感觸哽咽，令人心酸。

被問到有否安慰龔嘉欣？胡定欣表示：「我唔知道，因為我嗰日唔係到。而我覺得每一年都有呢個頒獎典禮，咁其實我覺得無論如何，成績表係點自己係知道。相反最緊要係喺拍攝過程當中，盡自己能力演好自己嘅角色，其實呢樣係唯一要做嘅嘢，咁所以每一個角色，盡自己嘅努力去做，就已經係Ok。」

被問到有否曾抱希望奪獎，但最後失望而回？定欣表示：「其實真係冇。而我覺得最重要係套劇出到嚟，觀眾俾你評價，咁樣係最實在。而我都參與咗咁多年嘅頒獎禮，我已經好習慣，變咗每一年都好似一個派對咁，係好享受呢個過程。」