【馬國明放假一天】年假得7天冇勞工假 馬明：冇通告所以放假
撰文：林通賢
出版：更新：
馬明有TVB鐵人之稱，究竟長期開工係咩心態?真係要問Dr.鍾先知。
打工仔最重要人工和放假，人工大家都知好難有得加，所以放假好緊要，尤其見到別人放復活節假，4日這麼開心，FB、IG瘋狂鋪旅行相，自己郤要返工，(小編是其中之一)心裏面著實很難受，唯一能安撫心靈的，就是找到同樣沒有假放的，終於在TVB找到，原來藝人包括一綫小生花旦都沒有復活節假，莫講紅日連勞工假都沒有，只有年假，《香港01》訪問無綫勤力王馬明，他最近拍《深宮計》連開27.5小時，非正式統計，馬明創下TVB 50年來連續開工最長時間紀錄，但今天復活節假期最後一天，馬明竟然有假放。正宗「馬國明放假一天」
馬明曾為《深宮計》開27.5小時，連生日都開工，認真犀利。
香:《香港01》記者 馬:馬國明
香:今日復活節駛唔駛返工?
馬:今日冇通告……所以放假
香:藝員係放紅日定勞工假?
馬:冇假嫁……
香:……
香 咁藝員有幾多日大假?
馬:個個都唔同㗎，我….我有幾日…死喇，我都唔記得咗…睇翻份合約先知喎…你突然問我都唔記得咗..哈哈
香:仲有冇開27.5個鐘呀?
馬:冇喇……
馬明今次《心理追兇Mind Hunter》飾演Dr.鍾，經常以靚仔造型出場，令馬粉看得好開心。
入職得7日年假
作為老闆的一定重用馬明這種員工，返工返到不懂放假，去那裏找?其實藝員的放假和普通打工仔不同，據知他們是放年假的，新入行只有7天有薪大假，據一位不願公開姓名嘅藝員就表示:「TVB 計年假，新入行就7日啦，唔放就會累積，到一定日數會迫你放，你唔放就當你冇工開日子放假，包薪就好似無假期，同埋無經理人合約，如果請長假做其他job 如電影、舞台劇，就無薪假同會延後張約。」
不過藝員其實當自己生意一樣，多勞多得，好難和一個從事寫字樓工作的人比較，工作最緊要開心，正如不知那位名人說過，「做緊自己喜歡嘅事，你係唔會攰嘅!」而且明天又回復正常，大家都要返工，想到這裏是不是好開心呢?