43歲金城武依然零死角 原來係超級宅男：打機打到唔出街！
撰文：林通賢
出版：更新：
陳可辛表示看《重慶森林》時已覺金城武好特別，已經想找他拍戲，但10年後先揾金城武拍《如果‧愛》，其間還爆男神鍾意打機。（網上截圖）
不論講邊個是男神都好，總有人說「咩話？佢都係男神？」但只有一個沒有人質疑—金城武，男神除了零死角完美靚樣外，最重要是神秘，冇玩facebook、Instagram，記者會宣傳都係講兩句算數，最近內地網媒《一条 Yitiao 》就請到陳可辛、金城武做訪問，整個訪問17分鐘，認真難得，當然訪問中男神不會講自己有沒有拍拖、鍾意那些類型女仔，但整個訪問用上超級大頭，加上chok得好自然，就算講廢話都係好睇。
43歲就算超大頭都是零死角。（網上截圖）
訪問中陳可辛當主持真的落力，說了男神好多往事，例如男神好鍾意打機，當年拍《投名狀》要去深山拍攝，陳可辛最擔心酒店沒有wifi，因為男神要打online game，男神都沒有否認，還說自己近年沒有以前這麼瘋狂，最瘋狂是online game剛興起的時候，陳可辛更說金城武是宅男鼻祖，當然陳導演都有問金城武愛情啦，不過金城武就講返去電影，真是神一般的高招。而陳可辛在訪問中亦有意無意透露了金城武的生活細節，「其實他不是很乾淨的人」，而金城武鍾意去那裏食飯呢？原來係：「又要好吃、又要沒人、又要有包間（）房。」不過金城武說什麼都其次，如果你是粉絲，就算熄聲，遮住字幕，你都會覺得好睇，因為43歲的金城武真係好靚仔。
+4