仔仔一堂｜Louis爆節目出街後多咗人追:買聖誕樹都有人嚟同我影相
撰文：邱愛霖
出版：更新：
無綫J2台同性戀配對真人騷《仔仔一堂》上周五（23日）迎來最終集，人氣不俗的參加者Louis稱同Howard、Juzco關係最好，「Christmas我哋都有約出嚟，同幾個朋友開Party。」
Louis認多了追求者。（陳順禎攝）
Louis早前表示介意被指「玩菊花」，Louis今指「係有少少唔開心嘅」，希望節目能有助外界「搣甩」同性戀標籤，而節目出街後反應「比預期中好好多」，家人、朋友、甚至至陌生人都有送上支持。
Louis爆買聖誕樹都有人要求影相。（陳順禎攝）
Louis承認人氣有所提高，他笑說：「好唔謙虛咁講，係一定有嘅。（有冇多咗人追？）都有嘅，間唔中出街都有人認得話你就係Louis呀？買聖誕樹都有人嚟同我影相。」至於早前取消關注參賽者HoHo社交網，他否認二人不和，笑指：「拍嘢冇嘢做玩吓啫！我哋仲係好朋友，因為呢件事哋又Follow返。」