45歲袁文傑入無綫首拍劇 唔怕有亞視味：我算係最冇嗰陣味！
撰文：郭敏玲
出版：更新：
袁文傑話入咗TVB之後，好實在。（黃國立攝）
袁文傑過檔TVB後，第一部參與的劇集《不懂撒嬌的女人》就要出街。作為一個前亞視藝員，走入大台，最多人關注就是身上亞視味甩唔甩到。對此，袁文傑理解所謂「亞視味」，就是：「我諗老土係大眾對呢樣嘢（亞視味）的基本定義啦，我諗我同幾個之前入去嘅幾個前亞視藝人，係最無嗰陣味嗰幾個啦啩！」可能都因為咁，都成功過檔到TVB，袁文傑再補充：「我就梗係唔希望觀眾覺得我有嗰陣味啦。不過我之前都有去其他電視台，好似NOW呀咁，我諗陣味都洗得7788啦啩。」
大家覺得袁文傑型唔型？（黃國立攝）
袁文傑入了TVB後，就話自己實幹咗好多，「起碼係好充實先啦，而家經常都有電話打嚟叫我入廠，有咩工作做呀，同之前都有好大對比。不過當然之前喺ATV，你知道公司咩環境，所以都唔係好出奇啦，但我有去過大陸啊地方闖蕩過，會發現TVB真係會實在好多，係會有人話你知有咩做。」TVB對袁文傑都不薄，除了《不懂撒嬌的女人》，還拍了《天命》、《雜警奇兵》，仲有台慶劇《深宮計》。
擁有咁多機會，袁文傑都覺得就算之前入錯馬房，輾轉反側來到TVB都唔覺遲，除了多謝公司，另一個原因就是45歲袁文傑覺得自己幾襟擺：「我都算keep得唔錯呀，都仲可以keep住做嘅。」袁文傑說罷摸摸自己臉頰。細看之下，袁文傑除了高大，臉上都冇乜歲月痕跡，又真係唔覺佢有45歲嘅，佢仲話自己極力keep住個body，會做運動，更即場分享駐顏心得：「返屋企食飯，見到有湯就要飲，咩湯都得，湯夠滋潤堅係work，仲有食多啲生果，飲多啲水，就算去多啲廁所都要飲。」唔知大家又覺得袁文傑keep成點？
今日高ling著露膊裝正唔正？（黃國立攝）
高ling今日係全場最性感嗰個。（黃國立攝）