【全職沒女】同張振朗床戲仲未播 陳瀅:我會擒上去錫佢!

撰文:
最後更新日期:

陳瀅人紅新聞多,最近被拍得和方力申出街,但原來是一大班朋友相聚。

陳瀅果然是女神,連飲可樂的樣子都是有電。

《全職沒女》這陣子最搶鏡的一定是陳瀅,劇中不斷向張振朗放電,車廂抹汗又濕身,令人充滿想像空間,而那句「我姣你唔係呀?」對白,已成為陳瀅御用cap圖,今日陳瀅和一眾《全職沒女》藝員到尖沙咀出席宣傳活動,她表示之後會越來越性感,她說:「其實我平時講嘢唔係咁㗎?拍嗰陣都尷尬架,因為自己怕醜,但又唔可以怕醜,因為要好放咁去做,真係要姣人,拍嗰陣又多人望住,我係邊做邊面紅,當時塊面係好慶好慶咁去做,但嗰幾場戲就一日拍哂,所以就好啲囉,嚟緊都仲有啲激嘅場面,之後會同振朗有床戲,有下我會成個擒上去扯佢過嚟鍚。」講到這麼精彩,大家真係要留意下。

+4
+3
+2

陳瀅為宅男女神,應該唔會揸住呢個「無姿色」嘅宣傳板都唔怕啦。

另外有雜誌拍得陳瀅和方力申一同夜遊,疑似拍拖,今日陳瀅亦回應事件,她說:「當然唔係拍拖啦,我哋係一班朋友去飲嘢,但佢哋剩係影我哋,因為我哋兩個都單身,所以寫成咁囉,咁都無奈嘅,每次我同男性出街,都俾人寫,再係咁,我就真係變全職沒女喇。(方力申條件如何?)咁都知佢形象好健康,陽光又健身又做咁多善事,我覺得佢係一個好男仔嚟嘅,但我都係想投入返做嘢啦。」陳瀅最後嗰句,例行對白嚟啫,開工同拍拖兩樣嘢㗎啫。

+5
+4
+3

今天30多度《全職沒女》一眾演員到尖沙咀宣傳。

陳瀅每次和男仔行街都會俾人寫,她驚冇人再敢約佢喎,有冇可能呀?



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。