【心理追兇】王君馨演殺手怕入魔 入戲唔敢望鏡:我都嚇親自己

撰文:林通賢
出版:更新:
王君馨劇中飾演變態殺手,殺完人仲識扮可憐,還成日練殺人眼神。
王君馨昨晚在《心理追兇》殺杜大偉一幕,認真精彩。

《心理追兇mind hunter》上星期就爆了何遠東,今個星期就輪到花曼發威,Sorry!應該係汪海澄,王君馨今次在《心》劇,飾演變態殺手,昨晚那集先用針筒拮杜大偉,之後再刀刺,表情冷血到呢,特別係眼神,王君馨今次真係殺死人咁款,最令人心寒是她殺完人後,即刻扮無辜,認真得人驚,為了這個角色王君馨事以做足功課、而且每日都祈禱,怕自己入魔,她接受《香港01》訪問時說:「我自己個人就大情大聖,呢個角色係反社會人格,我睇咗好多呢方面嘅書,希望了解呢類人係點,講嘢、表情、眼神多數係點,有參考日本同外國電影,因為呢類人對社會任何事係冇感覺,我嗰3個月拍攝期要練習對任何事、任何人冇感覺,我記得有日裕美同我傾計,但我眼神係好冷漠,而我個心仲諗妳講完未呀?唔想知呀,佢都停咗一吓,我先醒,先知頭先抽唔返自己出嚟。我仲問頭先係咪用咗汪海澄眼神望住妳?佢話係。」

王君馨在劇中殺人如麻,殺杜大偉時一啲都唔手軟。

王君馨表示角色好難進入,所以自己亦好難抽離,更要晚晚祈禱,她說:「嗰段時候我係keep住冷血mode,我好驚自己變成汪海澄,對任何事都冇感覺,好驚自己入魔,所以晚晚祈禱,希望可以一拍完即刻離開角色,或者返到屋企即刻變返自己,希望角色嘅靈唔好入我到。裕美都有幫我祈禱,有時拍完返到屋企洗面,我都唔敢望塊鏡,因為我都驚嚇親自己,我有朋友尋晚睇完話發惡夢呀。」唔緊要啦,睇返《城寨英雄》花曼,或者聽下佢同鍾舒漫唱的《隱型》溝淡囉。

+17