【心理追兇】蔡思貝搵洪永城談心 唔怕唐詩詠嬲：佢都有好多朋友
撰文：黃梓恒
出版：更新：
思貝指自己的角色將會有變化。（郭敏玲攝）
新劇《心理追兇》劇情開始進入高潮位，角色一直平平無奇的蔡思貝會因為米雪飾演的媽媽突然歸來而開始出現變化。思貝說：「一路以嚟我喺劇入面嘅角色都係心情無乜波動，其他角色可能係情傷呀，或者精神有問題。直至到嚟緊米雪姐出現，就會令到我都會嬲，會開始見到童月呢個平時好正面嘅社工角色會有負面情緒出現，不過最終都唔會有心理病。」劇集圍繞著心理病這個因素，每個角色都會有有病或者有經歷，而恩貝的角色正如她所說就是比較平平無奇。之前何遠東和王君馨都因為角色的特出而受人注目，會否擔心被他人搶了鏡？思貝就說：「唔怕，始終係劇情會比俾咁嘅戲佢地做，其實我套角色係輕鬆返套戲，因為佢地個個角色都好內心戲，而我同楊明就係負責輕鬆嘅部分。」
思貝話唔怕被人搶鏡，自己係屬於輕鬆套劇嘅元素。（郭敏玲攝）
對於之前有報導指她在拍劇時會向洪永城(Tony)發脾氣，因為那時思貝壓力太大，所以要經常找Tony傾訴、發洩。她就表示已經是很久之前的事，不過現在一齊拍《大帥哥》，因為已經好熟，所以都好有火花。其實現在私底下他們都會傾吓心事，不過怕唔怕被Tony女友唐詩詠呷醋？思貝認為：「都唔會嘅，朋友嘛，詩詠都有好多朋友。」那麼會否找劇中跟她一對的敖嘉年傾心事，她笑說：「又少喎反而，嘉年同佢講笑多，傾心事少。嘉年份人成日都講笑，同佢講認真嘢佢都可能會講返個笑咁。」
敖嘉年成日搞笑，搞到思貝都唔想搵佢傾心事。（郭敏玲攝）