【射鵰英雄傳】米雪係第一代黃蓉 讚苗僑偉黃藥師造型man爆

撰文:
最後更新日期:

米雪大大話話都係第一代黃蓉!(郭敏玲攝)

最近內地古裝劇《新射鵰英雄傳》簡直hit爆,而且TVB眼見這股風潮,將原本已撼低的自家重頭劇《賭城群英會》、由楊冪主演的內地劇《三生三世十里桃花》,再一次變卦換牌,於5月8日播放《新射鵰英雄傳》,希望個勢可以keep住上,觀眾受唔受就未知,但呢股古裝劇潮將會進一步瀰漫香港。

講起《射鵰英雄傳》,不論是電影、電視劇,數數手指,翻拍次數快將有20次之多。而今日眼見米雪出席TVB劇《心理追兇Mind Hunter》活動,回想起她在佳藝電視時期,拍過《射鵰英雄傳》,是第一代黃蓉。米雪亦因此劇而一炮而紅,當時被大讚將黃蓉佻皮可愛。而今日米雪得知無綫會播《新射鵰英雄傳》,以第一代黃蓉身分表示:「好劇不妨一睇再睇啦,我仲記得我拍呢套劇時都好開心。」不講不知,米雪姐都有留意三哥苗僑偉在劇中的造型:「梗係有留意啦,佢套劇個造型真係好有型,之前同佢食過飯,都覺得佢keep得好好,近睇都好似冇咩瑕疵。加上越大就越成熟,成陣味都出晒嚟。」米雪仲話三哥這類型一直好有市場,而三嫂都不用擔心,因為有人鍾意都好正常。

當年的米雪,真係靚到爆。(網上圖片)

米雪都大讚三哥做黃藥師好型。(網上圖片)

三哥與米雪,自然就會諗起....(有聲嘅)。(網上圖片)

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。