《魂斗羅》拍內地真人版 經典game又係景甜做女主角 ?
撰文：郭敏玲
出版：更新：
見到呢個畫面，一眾80、90後嘅機迷，會唔會大呼：「係回憶呀！」呢？
有一種咒語叫：「一拍真人版原作就會崩壞」，但電影公司眼見反應越壞就越要拍，眼見有熱門動漫、電子遊戲，總之受歡迎、有口碑就真人化啦！真的百思不得其解，而網民聽到「真人化」就好似《哈利波特》叫佛地魔做「You Know Who」般，聽見都覺得聞風喪膽！
最近，有件「百思不得其解」的事又要發生了！大部分80、90後童年都有玩過的經典槍game《魂斗羅》要開拍真人電影了！網民聽到第一個反應，就係：「乜有劇情咩？」、「全程上上下下左右左右ba」，這些暗語還真的是機迷才會明白。據知《魂斗羅》的比爾和蘭斯的角色設定，由外型到肌肉構造，都是100％為外國影星史泰龍及阿諾舒華辛力加而打造，要開拍真人版，如果兩位冇分還真的沒意思，要倒扣五十分。
《魂斗羅》一個人玩又得，兩個人又得，得咗！（網上圖片）
史泰龍與阿諾舒華新力加簡直就係《魂斗羅》嘅最佳人選啦！（網上圖片）
可是「世事沒絕對，真的搵錯人」，《魂斗羅》的真人電影已落實是北京星光燦爛影業有限公司開拍。至於故事就源於1988年，有一塊巨型隕石墜落在東沙附近的無人島上。陳強與李智勇則上前調查，但冇咩料到。唔知點解，故事就跳到29年之後，陳強就派特工蘭瑟和比爾去搗破紅隼犯罪集團，越查就越發覺有奇怪，尋根究底之下，整件事原來關29年前隕石墜落無人島有關。
先不論劇情夠不夠吸引，網民就玩game上癮，就預想兩位主角蘭瑟和比爾在電影裡要瘋狂打空翻。其次就是關注電影會有甚麼演員擔大旗。據知，開拍《魂斗羅》的北京星光燦爛影業有限公司，旗下藝人首屈一指就是內紅女星景甜，所以如無意外，電影應該會有佢份。不過，《魂斗羅》有女角的嗎？有網民就會猜測可能會安插她做犯罪集團成員，或是新增角色扮演特工或忍者，暗殺犯罪組織。不過景甜向來都有「爛片后」之稱，演技都未被認同，如果她真的要拍《魂斗羅》，機迷會否打退堂鼓，都係搵返隻Game打下算呢？
景甜雖然是第一位獲得好萊塢獎的中國大陸演員，但其演技一直都未被認同，如果《魂斗羅》佢有份，大家會唔會好擔心？
+5