【心理追兇.劇透慎入】馬國明死鬼女友湯洛雯 生前同邊個偷食?

撰文:黃梓恒
出版:更新:
劇中兩人是一對,不過陰陽相隔。(網上截圖)

劇集《心理追兇》入面,馬明飾演的鍾泰然有一個已經去世的女朋友,該角色由湯洛雯飾演,她在劇中雖然已經死了,不過由於馬明經常幻想她出來,所以也有一定的戲份。不過根據TVB的劇照,原來靚湯跟由胡諾言飾演的師兄,也是馬明的老死兼傾訴對象-酒吧老闆Alan竟然有接吻戲。一開頭網民以為他們是兄妹,因為兩人在劇中都是姓曾,劇情交代又不太清楚。到後來才在TVB網站的人物關係圖得知他倆只是師兄妹,雖然沒有亂倫的關係,不過偷食就證據確鑿喇!

根據TVB劑照,兩人將會有咀咀戲出街。(TVB網站)
馬明在劇中經常幻想靚湯同佢講嘢。(網上截圖)

《香港01》記者第一時間打俾靚湯問一問究竟他們兩個之間究竟有咩關係,靚湯就說其實胡諾言在劇中是喜歡自己的,不過胡仔跟馬明同時又是好好的朋友。點知有一次靚湯跟馬明有唔開心,之後去了搵胡仔飲酒,點知大家有點醉意就吻起上來。嘩!這個不就是兵仔等娘娘的故事嗎?在劇中馬明對靚湯的愛實在不言而喻,即使人已經死了五年也未能夠釋懷,唔知當佢知道呢個事實的時候,會唔會都有埋心理病呢?

飲醉酒真係好危險架,大家小心啲。(TVB網站)