謝霆鋒拍廣告無人明做乜 扮埋哲學家：要走得比時間更快
撰文：黃梓恒
出版：更新：
謝霆鋒出了名是Chok出天際，無論做音樂、拍戲、拍節目，基本上做什麼也保持着一貫Chok的「鋒」格。最近他在大陸為卡地亞Cartier名錶拍攝了一輯命為《隨心所欲》的廣告，繼續Chok當然不用多提，不過今次廣告還有另一大賣點，唔係隻錶，當然唔係個廣告有幾出色，而係十分九唔搭八！
霆鋒今次呢個廣告真係唔知佢做緊乜。（網上圖片）
一個長達兩分鐘的廣告，除了一路要看着霆鋒Chok樣，還有搭唔上線的劇情，完全代入不到製作人的心思。首先一開始是一貫手錶廣告的場面，霆鋒在看報紙，又望一望時間，鏡頭大頭影一影隻錶，暫時睇落都好正常。不過之後就開始令人為至一窒，霆鋒開始品酒、玩電腦椅、摺飛機、用魚杆釣金魚缸入面嘅金魚，之後還有霆鋒最喜歡的環節，切龍蝦，不過切切吓可能又諗到新食法，所以用火槍噴一噴佢先。切完龍蝦就變了打高爾夫球、忘情打鼓、Chok住轉鼓棍、著西裝打沙包，最後揸電單車。如果心水清的觀眾能夠將一連串的事件串連一起，恭喜你，你已經進入了廣告商的思考領域。
作為廚師的霆鋒，當然’要加返啲食物嘅元素。（網上圖片）
+3
當然，一般人就會如大部份網民一樣，「重點在哪裏？」、「想表達D咩呢？」、「我究竟睇咗啲咩？」。雖然大家腦中可能有好多問號，不過一個好廣告最緊要就是有人記得它的存在。相信以霆鋒近來的人氣，又加上廣告夠九唔搭八，觀眾已經深深將它記住了。事後霆鋒有為這個廣告拍攝了一個花絮，那些為了解霆鋒而問的Q&A沒有什麼特別，今次廣告只賣錶，當然要問吓對時間的概念。霆鋒就突然智者上身般：「時間代表太多，有時候我想走得比時間更快。」，咁如何走得比時間快呢？明顯這個是哲學的問題，難道霆鋒繼廚師之後，又想走去做哲學家？
霆鋒話要走得比時間更快，希望佢會走到喇。（網上圖片）