姚焯菲新年後赴新西蘭升學不再留戀香港？ 衝口而出：我捨得嘅
撰文：吳子生
出版：更新：
姚焯菲（Chantel）和鍾柔美（Yumi)今晚（17/1）現身將軍澳電視城出席慈善賀年晚會《新春保良迎金兔》節目錄影。Chantel被問到農曆新年後將要赴新西蘭留學兩年，會否感到不捨？她衝口而出說：「我捨得嘅。噢我係唔捨得呀！Sorry，我意思即係我會唔捨得佢哋，而我喺嗰邊亦會識到啲嘅新朋友，當然唔會話唔記得佢哋，而嗰邊亦係一個好好學習嘅地方，咁所以我一有時間我就會返並嚟香港搵佢哋。」
Chantel透露農曆新年後將會出國留學。（葉志明攝）
被問到會否擔心因留學而被人遺忘？Chantel堅定說：「而家科技咁進步，我閒時會拍片同大家分享，相信唔會有大問題嘅。（我怕你喺嗰邊識咗男朋友之後唔返嚟！）我唔會嘅，唔會唔返嚟嘅，始終呢度都係我出道嘅地方，所以我一定會返嚟，大家唔使擔心。」
對於好姊妹將要高飛遠走去留學，Yumi大感不捨：「始終我哋相處咗都有3年嘅時間，大家都建立咗深厚嘅感情，佢走我哋係好唔捨得，不過唔緊要，佢放假都會返嚟見我哋嘅。」
Chantel和Yumi今晚現身將軍澳電視城出席慈善賀年晚會《新春保良迎金兔》節目錄影。（葉志明攝）