谷婭溦內地人氣爆燈穿州過省做到甩轆：走得好開心
撰文：吳子生
出版：更新：
谷婭溦（Vivian）今晚（17/1）現身將軍澳電視城出席慈善賀年晚會《新春保良迎金兔》節目錄影。近年專注在內地發展的Vivian，將演藝事業發展得有聲有色，知名度日漸俱增，早前獲邀亮相內地音樂真人騷《天賜的聲音》第三季，她與井朧合唱的《不刪》，一度登上社交網熱搜第一位，人氣相當犀利。
谷婭溦近年專注在內地發展，將演藝事業發展得有聲有色。（葉志明攝）
Vivian接受《香港01》訪問時說：「其實今年可以返嚟過年見大家係好開心，之前喺內地做嘢都有成年時間。不過喺內地工作，要走好多個城市，我哋係走得好開心。係呢個嘅過程入面，係令我成長咗，同埋進步咗嘅。始終以前我喺無綫都有成7年時間，都喺呢個舒適圈入面成長，所以呢次喺內地呢段時間，係令我大開眼界，因為佢哋嘅製作係好認真，同埋個舞台係好大，變咗一開始我由好驚，變成享受，呢個經歷真係得來不易。」
谷婭溦今晚現身將軍澳電視城出席慈善賀年晚會《新春保良迎金兔》節目錄影。（葉志明攝）