張繼聰宣傳家鄉雞新app完美示範執生　網友讚化險為夷係叻

張繼聰昨日出席KFC活動，即場試用手機程式點餐App落order，在Facebook直播整個點餐過程。不過懷疑程式多次未能接收聲音指示，現場彌漫一陣尷尬氣氛，網絡紅人瓊姐更惡搞加插龍蝦阿姐把聲大叫︰「你個野壞咗呀！」取笑App失靈。

當時張繼聰應主持要求講出「巴辣雞粒」，不過首次落單時，程式零反應，他以「有時後生仔唔敢大聲講，我哋點餐唔夠大聲講」為由，再講多次「巴辣雞粒」才成功。可惜再落多次單時程式卻又失敗，他即自嘲要「試下廣東話夠唔夠正確」，又以「點多幾舊，同大家share」為名講多幾次，為電腦失靈解圍。網友大讚張繼聰急才勁，面對電腦失靈多次，都臨急不亂，網友又批評新App反應遲鈍︰「如果個個都咁order，條龍長過彌敦道」網友又取笑張繼聰不停重複「巴辣雞粒」︰「我依家成個腦都係巴辣雞粒，點算好！」，不過有人亦大讚張繼聰表現出色，化險為夷，亦有人可以幫助練廣東話發音。