盧覓雪連讚姜濤買千萬豪宅叻仔　暗踩Jeremy買居屋：係有條件購買

姜濤曾經話過要喺30歲前買兩層樓，日前有消息指現年23歲嘅姜濤，本月初以首置名義入市，以1,800萬元買入西環維壹一個海景單位。盧覓雪昨日（18日））在其主持的電台節目《在晴朗的一天出發》中，多次大讚姜濤年紀輕輕做業主實屬叻仔及勵志。「23歲，1800萬都唔係少錢，佢夢想成真，因為之前有講過30歲前買兩個單位，如果咁推算落去，30歲應該有7個單位。而且佢係成為鏡仔第一個做業主，咪好威？威過拎我最喜愛的男歌手。」其後林海峰指唔少獎座都係塑膠製造，認為應該追「磚頭」才是最實際。

節目播出後，唔少人在「叱咤903 在晴朗的一天出發」 fb專頁留言指出MIRROR成員李駿傑 (Jeremy）才是首位做業主的鏡仔，事關Jeremy在2021年抽中「綠置居」，買入啟鑽苑一個400呎單位。見到網民相關留言，盧覓雪親自回覆「居屋係有條件購買嘅」並加上一個伸脷emoji，似乎並不認同居屋是置業。留言隨即引來更多回覆「有條件唔代表唔洗錢」、「居屋唔係業主咩」，盧覓雪其後將留言刪除。