大誠實家｜徐㴓喬獻螢幕初吻 BabyJohn嫌太簡單感抱歉
撰文：林得懿
出版：更新：
《大誠實家》將在下星期播出，蔡瀚億（BabyJohn）、何啟華、王智德、徐㴓喬、李敏今午望行宣傳。（葉志明攝）
蔡瀚億（BabyJohn）、何啟華、王智德、徐㴓喬等人出席新劇《大誠實家》宣傳活動，BabyJohn透露近日派發劇集海趣予近年曾送暖給自己的小店，除了是順勢宣傳外，亦想答謝店家的支持。「所以我完成宣傳責任，冇特別收視壓力。」 BabyJohn又指自己每年新年都有作品播出，故希望繼續做賀歲之子。
徐㴓喬預告過年赴法國滑雪，心情十分興奮。（葉志明攝）
BabyJohn於劇中有露背場面，他透露為此特地健身。「不過好緊張，因為我有壓力會瘦、唔夠瞓又瘦。嗰日拍到最後先除衫，我由早上已經開始緊張 。我平時拍戲準備得好好都唔會緊張，唯獨呢個準備好都會緊張，怕一望啲肌肉唔見晒。」徐㴓喬表示拍攝時自己未有在場，每次都會錯過男演員騷肌場面，更笑言人生苦短，所以can be more 。 BabyJohn透露今次奪去了徐㴓喬的螢幕初吻，但卻感到十分抱歉： 「因為係老夫老妻嗰種，我自己都覺得唔好意思，初吻咁簡單。」徐㴓喬笑言拍攝前特意與父母視訊。