好友鍾欣潼狀態回勇身形弗爆 容祖兒自愧不如：攞嚟丟架
撰文：吳子生
出版：更新：
容祖兒（Joey）今日（24/1）大年初三現身沙田馬場出席《農曆新年賽馬日》開幕典禮。Joey透露年三十晚成大隊人馬到老闆楊受成家中拜年：「嗰晚真係好多人，多人到好似維園花墟咁熱鬧，人數係多到破咗歷史，而今年同往年一樣咁發咗少少新年財，但就唔多囉，因為真在太多人，變咗分薄咗好多，但都開心嘅，因為人人有份嘛。」
容祖兒現場大展歌喉。（葉志明攝）
提到好友鍾欣潼（阿嬌）近來狀態大勇身形弗爆，Joey表示認同：「我都有同阿嬌講，條腰嚟咗就唔好俾佢走，同埋大家都話索嬌回歸，其實真係好戥佢高興，佢而家嘅靚同以前嘅靚係好唔一樣，佢係多咗一份自信同女人味。（大家而家可以鬥靚！）我哋從來都唔係鬥呢樣嘢，美貌咁多年嚟係冇得鬥，真係攞嚟丟桇，無論幾時都好，佢都係第一嘅。」
容祖兒大讚阿嬌身形弗爆。（葉志明攝）