倪嘉雯單身5年唔揀有錢仔做男友 點名要周杰倫被麥玲玲寸大諗頭
撰文：吳子生
出版：更新：
香港著名堪輿學家麥玲玲和27歲「仙氣女神」倪嘉雯（Carmen）今日（24/1）大年初三現身深水埗出席商場賀年活動。台上玲玲師傅得悉Carmen單身5年，便問她有什麼擇偶條件，對方是否需要具備「財」華？Carmen直指，對方最好識唱歌創作先會考慮。玲玲師傅笑問：「揀要有錢嘅，定係要有才華？」Carman聞後顯得有點心大心細，但她最終企硬要才華唔要錢，場面爆笑。
倪嘉雯透露已單身5年。（葉志明攝）
事後玲玲師傅接受《香港01》訪問時說：「其實我覺得男人應以『財』為貌嘅，點知佢話要有才華，要識作曲唱歌嘅創作人，咁佢淨係要才華，我驚佢食唔飽，只不過係擔心佢啫。不過佢有提過想好似周杰倫咁，佢真係大想頭，目標真係好高，難怪佢5年嚟冇拍拖啦。」
Carman接着說：「其實周杰倫係我偶像，咁所以我都想另一半好似佢咁有才華。至於話要才華定要錢，我諗我真係要用一年嘅時間去諗，唯有下年再問玲玲師傅意見。（5年單身你唔悶？）都習慣咗，有時一個人都幾自由自在，同埋我係好講求見到對方有心動嘅感覺，唔係話有才華就得，咁所以我期待有觸電嘅感覺。」
麥玲玲師傅和倪嘉雯今日出席賀年活動。（葉志明擇）