唐文龍爆計劃與圈外女友結婚 已經見過媽媽：佢唔滿意都要滿意！
撰文：許逸本
出版：更新：
藝人唐文龍和麥貝夷今天（25/1）出席由布偉傑開設的教育校學的宣傳活動，近年專注在內地拍劇的唐文龍，趁着新年返港陪伴家人：「其實我年年都有返嚟，不過真正長住喺香港就呢六年都好少，每年農曆新年我都返嚟兩三個月，藉着拜年呢個過程見吓朋友。」提到感情事，唐文龍亦不避忌，直言有個拍拖幾年的女朋友，對方係北方人，雙方感情穩定，文龍表示會開始計劃迎娶女友入門：「會有呢個計劃嘅，但係遲啲啦，遲少少，到時如果真係會同大家講！」
好耐無喺香港見到唐文龍！（梁碧玲攝）
不過文龍因隔離措施影響，未有機會帶女友見家人，只透過視像交談，而媽媽亦好滿意呢位準新抱：「今年某一段時間會比佢哋雙方見面，真人未見過FaceTime有，始終唔一樣啦（媽媽好滿意？）我呢個年紀，佢唔滿意都要滿意！」
唐文龍自爆有意迎娶圈外女友。（梁碧玲攝）
至於麥貝夷即一直保持單身，自爆平時工作忙到飛起，連見朋友的時間寧願拿來休息，對於感情她一點也不急，表示好享受目前的狀態：「好好呀我覺得單身，好多時間去晒做嘢嗰到，我好想出去應約啲朋友，但係我真係好眼瞓，我好宅㗎，所以其實好好嘅而家好開心，比我宅一陣先！」
麥貝夷直言單身好好唔急搵另一半！（梁碧玲攝）