香港飯局｜曾志偉親自出馬邀主持 曾鈺成：佢諗出嚟嘅
撰文：蘇國豪
出版：更新：
TVB新節目《香港飯局》邀得前立法會主席曾鈺成、公關傳媒人程介南、前立法會議員石禮謙擔任主持，節目今（2日）舉行拜神儀式暨錄影，他們希望透過該節目能吸引到更多對時事有興趣的人可以發揮到其長處。
前立法會主席曾鈺成係主持之一。
三位如此重要的人物難得一起主持節目，問到是不是總經理曾志偉親自出馬邀請做主持，前立法會主席曾鈺成表示：「係呀！佢諗出嚟嘅。」追問到是不是當下立即答應，他表示：「當時我同程生道諗過一吓，我哋傾呢啲會唔會好正經，冇人睇，後來傾吓傾吓好有意思。尤其係志偉非常非常之欣賞同我哋搵到啲年輕人同我哋參與，我哋覺得好有意思。」他們還揚言希望曾志偉會給面子上節目。
節目主要談論香港時事。（陳順禎攝）
另外，問到有沒有留意TVB的劇集、節目，公關傳媒人程介南表示：「都有留意，最近有啲好成功嘅節目我哋都有留意嘅。《中年好聲音》呀，大家鍾意嘅《獎門人。」而在旁的前立法會主席曾鈺成則表示：「《中年好聲音》呢啲節目真係俾到啲機會俾有興趣有潛能嘅人發揮。我哋都希望今次呢個節目能夠吸引到好多對議論時事有興趣嘅人能發揮到佢哋嘅長處。」
前立法會主席曾鈺成、公關傳媒人程介南、前立法會議員石禮謙共同擔任《香港飯局》主持。（陳順禎攝）