預算案｜總商會倡最少派5千消費劵 漢陽：有錢派梗係好
撰文：吳子生
出版：更新：
漢陽和譚嘉荃（Amy)今日（3/2）現身灣仔會展寵物節出席新產品發佈會。提到新一年度的財政預算案即將公佈，應否再次發放消費券是其中一個社會各界廣泛關注的焦點。漢陽表示：「我梗係好希望會有得派，佢哋最好日日派添，但不過我諗都要視乎情況嘅。如果消費券到手，我諗我都會買電子用品多啲。（政府千憶財赤，派錢會唔會有壓力？）我又唔係財爺，佢財赤定係賺一千憶，蝕一千憶我都唔識計，我哋呢啲升斗市民點識計，如果你問我派錢好唔好，咁梗係派錢好，邊有人話等我睇咗銀包有冇錢先派㗎。我身邊朋友個個都係升斗市民，有錢派梗係好。」
Amy認為消費劵要有條件派。（吳子生攝）
Amy就表示：「有錢派當然係有好處嘅，但不過我就真係唔知，都係要睇返政府嗰個財政狀況，但如果係一啲失業人士嘅話就派俾佢哋，因為呢幾年辛苦真係艱難，例如我有啲朋友唔係呢行，都而家仲未搵到長工，咁所以我覺得係睇嚟派。」