【全職沒女】陳瀅爆色誘零反應 張振朗反擊：佢減肥就一定要喇！
撰文：黃梓恒
出版：更新：
陳瀅在劇中好主動咁擒上張振朗度。（網上圖片）
「宅男女神」陳瀅在上星期於《全職沒女》中大膽演出，除了除衫除咗一秒鐘大騷身材之外，還在劇中色誘張振朗。女神喎，俏麗的面孔，魔鬼的身材，嬌喘一聲倒在張振朗的懷裡，面對住如此的陳瀅，張振朗在劇中卻不為所動，一手把其推開，有無咁聖人呀？劇中如此，現實又如何呢？陳瀅率先上《Big Boys Club》節目爆料，原來張振朗在拍這一幕戲的時候，竟然無料到！陳瀅就話佢當日係著裙，所以十分貼近振朗條褲，嘩！士可殺不可辱喎！好在瀅事後都兜返係自己吸引力不足所致。
想知陳瀅點色誘張振朗？睇睇下面嘅圖。
+5
陳瀅在《Big Boys Club》中大爆張振朗「無料到」。（myTV SUPER facebook）
事後張振朗接受《香港01》訪問，他說要澄清一下：「我不知幾正常，仲好活潑，完全無障礙性問題。」還表示無反應又俾人講，有反應仲大獲。被問到陳瀅是否未夠吸引力，他又說：「緊係喇，（有咩地方要改善吓？）叫佢減咗肥先啦！減肥就一定要喇！當初做套劇嘅宣傳嘅時候佢仲叫我食多啲嘢，因為我太瘦會顯得佢肥喎！」還說就算遇到其他女演員都會保持著專業的態度，真係聖人mode喎！
張振朗就話自己無問題，仲叫陳瀅減吓肥先！（黃梓恒攝）