楊埕因前男友鬧上頭條事業被毀 竟仍藕斷絲連：仲用緊我嘅卡
撰文：盧凱瑤
出版：更新：
楊埕（Sabrina）昨日出席《2022年度 1kommunity KOL頒獎典禮》，早前她擔任ViuTV節目《戀講嘢》的嘉賓，當中大談2020年5月因與前男朋友大打出手鬧上C1頭條的事，被問為何時隔三年重提事件，她表示：「其實本身我都冇再提，但係咁啱《戀講嘢》監製見到件事咁轟動就叫我上去傾傾，加上件事擾攘咗好耐，好多人見標題唔知發生咩事，諗住藉住《戀講嘢》畀更多人睇到嚟個大澄清。再加上嗰陣件事入咗司法程序，都唔可以講得太多，所以當時發生呢件事我係唔夠膽做任何動作，宜家隔咗咁耐，終於可以為自己澄清。」
最近上《戀講嘢》大談2020年5月因與前男朋友大打出手鬧上C1頭條的事。（陳順禎 攝）
隨後Sabrina分享自己已經沒有再與前男朋友聯絡，不過就表示對方做了件事令她非常生氣：「原來隔咗咁多年，我翻查銀行卡入邊嘅紀錄，原來佢都仲用緊我嘅卡去交佢嘅費用，我覺得有啲過分但係我cut唔到，因為個申請人係佢，所以我冇辦法。」被問到上節目後因發福不少已被網民討論，為此Sabrina表示：「新年嘅時候狂喺度食嘢，所以真係脹咗好多，早排好多訪問都話我變晒樣，腫晒，所以我會努力減肥。」
Sabrina今日（3/2）出席頒獎典禮。（陳順禎 攝）