渣打馬拉松｜陳健安梁釗鋒完成10K 跑步期間遇粉絲要求合照
撰文：關穎賢
出版：更新：
渣打馬拉松2023今早舉行，不少藝人亦有參加10K賽事，C AllStar成員陳健安、梁釗鋒亦有參加，陳健安表示完成賽事後，現在最想訓覺，他說：「我希望可以58分鐘內，但我電話估計嘅係52分幾，咁所以我係好開心，因為大家知我歐洲時間訓覺，今日大慨訓咗三個鐘左右就嚟跑，我平時係黃昏時候跑嘅，咁所以有呢個成績，我係超級開心，而家係好想訓覺呢一刻，今日畀我想像舒服，好好風跟住有少少微雨。」
陳健安梁釗鋒順利完成10K賽事，二人均想返屋企訓覺。（梁碧玲攝）
梁釗鋒說：「尋日都唔係訓得好，有啲小學去旅行嘅緊張，但係有啲興奮，因為見到好多人，特別係好多人，自己嘅成績用電話計，唔確實嘅大慨51分鐘左右，我衝完終點，抖順條氣，擰轉頭就見到你（陳健安），所以大家都係差唔多，同埋條賽道有少少唔同呀，所以多咗斜路畀我哋發揮。」
跑步期間亦遇到粉絲，安仔說：「『安仔呀，安仔呀』我叫佢哋試下跟住我啦，我唔減得速架，你開機啦，快啲，快啲，我叫佢哋影我背面，我背面俾個V佢哋，好似有發哥嚟跑？但我撞唔到佢，（會挑戰半馬或全馬？）之前挑戰過，暫時呢刻⋯⋯我覺得夠喇。」