J2女神梁芷珮又有新節目　做旅遊節目主持：有得拍劇都想試

如果大家前排有睇無線的旅遊節目《美國潮什麼》，你會見到一位「女神級」主持同啲鬼佬好friendly，做主持亦都駕輕就熟毫無甩漏，她就是梁芷珮(Christy)。雖然外形十分討好，而且被不少網民追捧，不過簽了無線兩年的她一直都只是做節目的主持，包括《胃食遊戲》、《快閃廚房》和《胃食紅人》三個飲食節目，最近就係上文提及過嘅《美國潮什麼》，開始撈過界。在今個星期六晚將會在J2播出的《超級台灣任務》是她新一輯的旅遊節目，將會夥拍曾志偉細仔曾國猷(Mark)一齊做主持。

想睇更多Christy嘅靚相，下面就有！

Christy憑著陽光氣色，甜美笑容，魔鬼身材，成功令網民留下深刻的印象。雖然她的節目只在J2台播出，不過都依然有唔少人關注。新節目中她將會更Mark第一次合作，會唔會有咩唔夾呢？她說：「非常夾，因為識左好耐，好有默契，不過Mark就好多蝦碌野，我同佢嘅感覺好似一凹一凸咁，出嚟嘅感覺幾搞笑。」被問到會否拍劇呢？她表示如果有機會都想試下，不過公司暫時都未有跟她相討。