新四十二章｜譚凱琪同陳豪拍「全裸」落水戲逼老公睇：佢反應冷淡
撰文：吳子生
出版：更新：
陳豪和譚凱琪（Zoie）今日（18/2）現身中環出席無綫熱播劇集《新四十二章》宣傳造勢活動。提到二人早前播出一集「全裸」落水戲，惹起網上熱話。陳豪笑言：「其實當我收到劇集嘅時候，話有場裸泳要拍，心諗我要點處理呢？因為去到咩程度我同佢又唔知，所以係會有啲忐忑。但嗰日去到個沙灘拍嘅時候，竟然拍出嚟啲效果又幾好，於是我就靈機一觸，加插一幕除底褲場面，營造到我一個男人見到Zoie猴擒咁嘅樣，表現出男人之間有呢種共鳴感。」
陳豪和譚凱琪再度合作拍劇甚有默契。（梁碧玲攝）
Zoie接着說：「呢場戲話晒都係『全裸』落水，我係有特登攞番呢場戲嘅相俾我老公睇，我仲扮嘢同佢講啲人話感覺似替身喎，但相中人嗰個係我嚟喎，乜唔似我咩？佢嘅反應好冷淡咁講係咩，就咁輕輕就帶過。不過我知佢對我要求係好嚴謹嘅，多過我自己對自己嘅要求。」
陳豪和譚凱琪今日出席劇集宣傳活動。（梁碧玲攝）