商台DJ梁文禮被爆明讚暗踩梁詠琪開咪道歉　謝茜嘉：係需要

商台DJ梁文禮昨日被踢爆在Ig限時動態發文，讚Gigi個唱造型好靚，但卻在其私人facebook發文狂踩Gigi演唱會：「個flow差﹑歌編得差﹑舞差」，甚至狠批Gigi唱功差：「連《愛自己》都入唔到呀﹗」事件曝光後，梁文禮被網民大鬧「雙面人」、「想知道你私底下點評價姜濤，anson Lo」﹑「真係好心寒，人前人後兩個樣」。梁文禮疑不堪壓力，今日在商台開咪時跪低向梁詠琪道歉。

今日（20/2）商台DJ謝茜嘉出席無綫節目《搵鬼做情人》宣傳活動時，就事件接受《香港01》訪問說：「其實我覺得關於梁文禮嘅事件，我喺做呢個記者招待會前就睇到相關報道，因為佢喺節目度已經作出咗回應，而Gigi嗰透亦透過經理人回覆咗，大家不如放低件事，繼續向前望。（新聞被爆出後，會否覺好得好詫異？）我係睇到佢係點樣去面對呢件事，因為件事發生咗，但其實本來佢係放緊假，但佢就選擇係節目開頭回應咗件事先，咁我覺得呢樣係需要嘅，咁最緊要喺梁詠琪嗰邊。（你有冇睇梁詠琪演出會？）本來有，但因為我去咗日本做嘢，所以去唔到。」