職安女漢子仙氣直逼頭盔何超蓮 地盤KOL文生：好少見到女仔
「做個職安真漢子，承擔起改變要堅決～」男人典範視帝黎耀祥2011年唱過職業安全健康局的主題歌曲《職安真漢子》，歌詞瑯瑯上口。就算大家不在地盤工作，都知道在高空工作，都要救生繩吊住，最緊要就要「做個理性男兒」，就可以避免意外發生。不過，凡事都會有例外。最近有網友在Facebook群組「play hard 玩硬」分享幾張地盤工場照片，有咩咁特別？特別在地盤有「妙齡少女出沒注意」！，相中有位疑似女測量師在地盤監工，她身穿黑色貼身上衣，手拿名牌Tory Burch手袋，打扮上已建立了一種高不可攀的感覺。雖然女仔在地盤工作不會有甚麼看頭，著得很密實，可以男士的視線，聚焦在「職安女漢子」一副清純臉孔，有一把長長秀髮，驟眼望眼睛圓碌碌，再戴上白色頭盔，都掩蓋不了她濃厚的氣質。再加上她是地盤的稀有人類，一眾工友見到女神自然又跪又拜。所以都有網民都話：「OT 會唔會引發工業意外架？一落到地盤個個焦點都實去曬佢度啦！」所謂例外，就是女性在場都有可能引發工業意外。
記者就此問過地盤界KOL文生（Leo Man），一日用足25小時上Facebook的他，見到呢幾張相就話如果在地盤見到女仔，可能會有眼前一亮的感覺。不過遺憾地，文生就好少在地盤見到女仔。問到相中女仔係咪真係靚先？文生即時專業鑑定，說：「張相好濛，就咁睇都OK。」不過，文生好似見慣大場面，自言唔會特別想有更多女仔做地盤，日日對住全男班，都已經習慣了。講到尾，做地盤最重要是安全第一：「返工做野要好小心，唔係好容易出意外，特別高空工作。」好專業呀文生！！！！
不過，地盤工作始終都是男多女少，有女士出現難免都會望多幾眼，所以一眾工友記得要把持住。此外，講起「職安女漢子」，又點少得賭王女何超蓮呢？她在大半年前試過入過工場，看似視察她持股的公司澳門勵駿創建有限公司的地盤。人一世物一世，一個弱質女子都唔會估到自己會入地盤，超蓮當時爆發少女心，上載了兩張工地造型照到IG打卡。她除了身穿必備安全衣，頭戴熒光粉紅安全帽，真係離遠都會見到超蓮。自稱「粉紅蘑菇」的超蓮的激罕地盤造型流出，網民都一致好評，大讚好可愛。所以話，女仔出現在地盤，即刻變成搶手貨。一眾單身的青春少艾，如果心急想拍拖，讀相關學系都是個不錯選擇！