網民轟商台處理梁文禮手法大細超 森美：唔敢挑戰公司決定
撰文：吳子生
出版：更新：
森美今日（8/3）現身電視城出席無綫節目《LAW霸女神》錄影。提到DJ梁文禮批梁詠琪被商台處罰暫停開咪3個月，相反卻沒有對早前被余迪偉控訴性別歧視兼職場欺凌艾粒作出懲處，令網民大感不滿，直斥商台處理手法大細超：「艾粒職場欺凌就冇事？」
森美今日現身電視城出席無綫節目《LAW霸女神》錄影。（葉志明攝）
森美就事件接受《香港01》訪問時說：「其實公司有佢嘅處理方法，而我作為員工就唔敢太挑戰公司嘅決定，始終佢都有佢嘅原因。其實以我哋同公司嘅良好關係，梁文禮係會欣然接受。過往公司同我哋嘅溝通方法都好好，係會同我哋傾好，用最好嘅方法去解決問題。大家係會溝通咗先。並唔係好似以前小學生咁，老師罰你就罰你嗰種。」
森美認為商台有佢哋嘅處理手法，自己作為員工未敢挑戰公司權威。（葉志明攝）
至於網民批商台處理艾粒事件大細超？森美表示：「其實本身個情況好唔同，當然我唔係話啱與唔啱，因為艾粒係同迪偉之間嘅關係，而本身迪偉係原諒咗佢哋，變咗公司可能覺得迪偉都原諒咗佢哋，事件就告一段落，呢個都係我自己揣測啫，實際係咪咁我都唔知。不過始終都係迪偉佢收唔收貨，迪偉佢覺得艾粒認咗錯同道歉咗，佢收貨就得。大事化小 ，小事化無。」