【Happy Monday】Vol.1：充滿活力的ViuTV美選冠軍羅伊婷Daisy

近來電視節目如雨後春筍般冒出，除了睇TVB外，睇煮餸可以睇奇妙電視，煲美劇可以睇Netflix、HBO，睇真人show一定係睇ViuTV。而說起ViuTV就不得不提及《美選D.n.A》這個環節，參選的女生基本上毫無條件及背景限制，實在是與大台選美與別不同。而能夠在當中脫穎而出的就是羅伊婷 Daisy（The Queen of D.n.A.）。近期ViuTV 節目亦會有羅伊婷Daisy 出現，包括《Girls' Talk》、《快樂童盟》、《超低能特攻隊》等。

「其實我參加TVB Cover Girl同ViuTV美選嘅原因都係一樣，係因為媽咪幫我報名㗎。」Daisy解釋道。原來當初Daisy的母親幫她報名參加《ViuTV美選》時Daisy正值泰國旅行中而被急召回港參加。不過看來Daisy母親當時的決定亦十分正確。透過訪問得知，其實Daisy十分喜愛成為矚目焦點，「我鍾意俾人望囉，表演嘅時候我鍾意所有人嘅眼光喺晒我度。甚至乎唔係表演或者做嘢嘅時候，例如行街我會扮到好靚，鍾意啲人望住我。」

由ViuTV 《美選D.n.A.》至今已經差不多半年時間。羅伊婷贏得比賽後，冠軍光環似乎一直未有落在這位可人兒身上。「我係唯一一個參賽者係冇喊嘅，但係我竟然係攞咗冠軍第二朝先喊。其實我選D.n.A.嗰時好輕鬆嘅，係反而選完先比較大壓力。因為選完冠軍第二日網上好多人都話呢個冠軍都唔靚嘅，其他參賽者靚好多啦。」不過藉住Daisy樂觀開朗的性格，她其後恢復起來。其實Daisy樣靚身材好之外，她正能量以及敢於冒險的精神也是其中一個助力。

除了專為參選 《美選D.n.A.》而學的空中絲帶舞外，Daisy 由小學起已學芭蕾舞，最近亦參加了「香港特技動作演員公會」的特技演員訓練班。「我本身個人鍾意做啲特別嘢，而空中絲帶舞喺香港嚟講比較特別，所以我鍾意空中絲帶多啲。」

如果各位讀者有興趣的話，也可以進去看看 羅伊婷Instagram : http://www.instagram.com/lawyeeting_daisy/