【不懂撒嬌的女人】香港係A Cup之城? 孫慧雪:乜嘢size都靚

撰文:
最後更新日期:

無綫劇《不懂撒嬌的女人》,有久違了的宣萱及林文龍,飾演一對鬥氣冤家,甚至是彼此下屬也要壁壘分明,偏偏宣萱堂妹兼助手唐詩詠,卻跟敵對陣營的黎諾懿相戀,但這對情侶卻似乎冇好結果,在首集唐詩詠已經遇上北方佳麗的挑機,在身材比拼上先輸一仗。

阿雪跟唐詩詠講「香港是A Cup之城」,但內地客就買親都是D、C、E Cup。(網上截圖)

劇情講到唐詩詠到內衣店揀選內衣,而店員兼好友的孫慧雪,已預先為她留下了一件熱帶樹林圖案的內衣,更笑說香港是「A Cup之城,而好友就是港女代表」,不過她之後呻自己入錯貨,訂了不少A Cup及B Cup的內衣,但內地客買親也是C、D、E Cup。睇到這裡估計絲打們肯定不同意,覺得劇情講到港女一定是A Cup,難免有點以偏概全,而且在男女關係上,亦不一定只是由身材出發,顯得編劇眼光相當膚淺。

最令姊妹忿忿不平的劇情,相信是講到阿雪讚內地女仔,「中國地大物博,有成廿幾個省,四川就辣,蘇州就滑,大把嘢揀,香港得19區,仲要區區都係妳呢啲「黑面呀」、「細胸呀」,輸晒啦。」但若然睇返該劇背景,原來是打算賣給內地愛奇藝,只是最後未能成功,為何港女變晒黑面A Cup之流,明白晒。

身材驕人的白雲,嘲笑唐詩詠身材,更說買給11歲剛發育的小妹。(網上截圖)

不過在劇中介入黎諾懿及唐詩詠之間的小三,偏偏是身材驕人的上海姑娘白雲,不但搶走了唐詩詠揀中的內衣,更嘲笑說:「32A這麼小,能穿嗎?」其後更說要買來送給11歲,剛發育的小妹,弄得唐詩詠哭笑不得。此時白雲跟黎諾懿用免提講電話,讓唐詩詠知悉對方竟然是小三,雖然悉破了男友出軌,但唐詩詠仍繼續啞忍,更跟堂姊宣萱表示自己已經32歲,不想放棄4年的感情,一臉委屈,看得一班絲打又激氣,又感同身受。

白雲跟黎諾懿講電話,揭發了她原來是內地小三。(網上圖片)

+7
+6
+5

阿雪接受《香港01》訪問,對於女仔會否緊張自己身材,她表示:「女仔圍埋都會拍吓對方個胸,但唔會好緊張size,始終都要襯返身形,無論乜嘢size都有佢靚嘅一面。(劇中講到港女輸給內地女仔?)香港女仔夠獨立自主,好多女仔都勤力,肯捱肯博,同個男朋友供樓咁,香港女仔都有值得欣賞嘅地方,仲有一樣嘢,好多朋友都講,香港女仔嫁咗之後,係溫柔過未嫁嘅。」不過阿雪強調男友或老公有小三,就一定不能姑息,「唔應該忍囉,一路忍嘅話,底線會一路低,人哋就會踩妳嘅底線㗎啦,可能會錯一世,所以快啲完結咗去,長痛不如短痛,一定會有個更好嘅。」

畫面不停影着白雲上圍,大灑鹽花增加收視。(網上截圖)

幾位絲打一齊check黎諾懿fb,發現有大胸女的照片。(網上截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。