73歲潘志文有望演第五次中風：人哋覺得你做得好先叫你做多啲
撰文：吳子生
出版：更新：
被封為「御用中風王」的甘草演員潘志文今日（31/3）現身將軍澳電視城出席無綫新劇《非常檢控觀》造型記者會。潘志文透露在劇中飾演一名大富豪：「今次程可為就做我家姐，而張國強就做我細佬，我哋生於一個大家族，當中會發生好多複雜嘅事情，變咗而家我唔能夠透露太多劇情。」
潘志文今日出席造型記者會。（葉志明攝）
被問到在新劇中會否再度演中風？潘志文笑言：「嗱，呢樣嘢就唔講得，因為監製話唔可以講嘅。（又可能會有！）唔排除會有。（唔怕被定型？）咁又唔會嘅，人哋覺得你做得好先叫你做多啲。（成日演中風，你唔覺得好悶？）我咁樣答你咁多問題，咁咪暴露咗個劇情嘅真相。咁唔會嘅，如果所有戲都叫我做嗰樣嘢，其實我都好樂意嘅。」
潘志文不介意再演中風。（葉志明攝）
雖然潘志文好大機會在新劇再有中風演出，但大家不用擔心潘翁的演技，當年被網友封為「御用中風王」的他接受《香港０１》訪問，他表示每次都以不同方式演繹中風，絶不會只用一招，更會在生活中取材，更試過訪問身邊朋友家人的中風經歷，潘翁希望將中風感覺由外到內再去返外，認真的演戲方法，絶對值得後輩學習。【再創世紀】潘志文親自解釋中風演法：每一次爆血管都唔同