不可能任務｜蔡思貝怕曬黑 事前零準備：件事好似伏伏哋
撰文：林迅景
出版：更新：
蔡思貝受邀參加TVB綜藝節目《不可能任務》，她接受《香港01》訪問時直言通常都會預早為劇集以及節目做準備，不過這個節目的製作組卻故作神秘，正式拍攝前絲毫沒有走漏風聲告訴她們節目內容。
蔡思貝參加《不可能任務》。（梁碧玲 攝）
蔡思貝說：「通常我都要準備好啲，我先有個安全感，咁今次就係我問PA有咩要準備，但係佢竟然唔覆我囉，我覺得點解件事好似伏伏哋。製作組好認真咁想捕捉到我哋幾個女仔嘅真實反應，所以你哋聽女仔講話唔知，係真嘅。」
蔡思貝參加《不可能任務》。（梁碧玲 攝）
當被問到昨晚準備了什麼時，她就直言只是準備了一套運動服以及一包餅乾：「反而我真係驚曬，因為我唔係最白嗰啲女仔，我好驚一曬黑就好難儲返白。你叫我喺室內做體能都ok，但係我好驚黑返。」她坦言以前較喜歡健康色皮膚，不過入行後就想皮膚白一些：「細個喺外國讀書，個個都覺得黑先有型，黑先靚，咁就瘋狂去沙灘曬。同埋好多時廠景係世界燈，所以如果身邊企咗個好白嘅人，你又黑啲嘅話，咁你就會爭咁啲。」
《不可能任務》拜神當然唔少得食燒豬。（梁碧玲 攝）