隱形戰隊｜陳展鵬不憤被指願淪為配角 放棄8位數留TVB只因一樣嘢
撰文：許逸本
出版：更新：
陳展鵬今日（2日）出席《隱形戰隊》宣傳活動，展鵬在劇中，雖然只是客串角色，卻分量十足，認真犀利！早前，有傳展鵬因加薪唔成功，而扭計唔拍劇，最後換馬國明頂上，今日展鵬接受《香港01》訪問時，開腔回應事件：「其實上一兩年，其實個市道咁差，我諗冇乜人會諗過加薪，即係希望大家渡過難關，咁嗰一兩年，我自己一路都冇回應過啲記者，事實上嗰排，你睇到而家出嘅劇，我都比較多，我要專心去演好唔同嘅角色。」
陳展鵬開腔回應扭計加薪傳聞。（梁碧玲攝）
早前有報道指，展鵬因要養家兼無勇氣向外闖的原因下，才甘願留在TVB降呢做配角！對此，展鵬否認此說法，表示繼續留在TVB主要是人情味：「其實我喺兩年前都同屋企人商量過，其實我都放棄咗呢個八位數字，跟住就留咗喺TVB，我自己都有諗會唔會好衝動呢？放棄咗八位數字啦，繼續喺公司啦，其實最主要你問我係人情味啦，同埋大家嘅承諾囉。」
早前有報道指，展鵬因要養家兼無勇氣向外闖的原因下，才甘願留在TVB降呢做配角！（梁碧玲攝）