MIRROR四子亮相西九音樂節 應援鏡粉被力數兩宗罪引熱議
MIRROR四子姜濤、Anson Lo（盧瀚霆）、Edan（呂爵安）及Ian（陳卓賢）昨日（2日）現身西九音樂節，其中最受到觸目的必定是人氣王姜濤，在年頭《叱咤樂壇頒獎禮》表演過後，事隔4個月再度踏上舞台演出，狀態大勇跳表演6首歌唱足30分鐘，更呈獻新歌《Dummy》。另外Anson Lo在舞台上大騷精湛舞技，期間更大方展示白滑纖腰，自摸High爆全場。
由於MIRROR四子早已預告會亮相音樂節，少不得引來大批鏡粉到場應援，鏡粉帶同大批應援物到場，有神徒（Anson Lo粉絲專稱）、姜糖（姜濤粉絲專稱）將應援物放置在草地上，讓其他人打卡，不少參加者圍觀拍照；另外又穿上應援T恤支持偶像。
然而鏡粉的應援行為日前惹起熱話。有網友於Instagram發文不滿指，鏡粉只入場支持偶像，在其他歌手演出時離開到場外，導致場內出現大批空位，場面尷尬。
有入場者於Instagram發文形容今年西九音樂節「係我成世人睇過最災難嘅垃圾」，他指在MIRROR出場前其他歌手表演，鏡粉卻聚集在場外聊天，不願入場睇騷，「比較早場嘅環節，場地一步之遙嘅海濱長廊嘅人直頭多過場內嘅人，而吊詭的是，呢一班人顯然係有購票嘅觀眾（全部著曬香港新世代偶像嘅衫/拎住公仔）。呢班人寧願喺出面Chit Chat（閒聊）都冇打算過入去睇artist嘅演出。結果成件事淪為新一代神功戲。」他更直斥該班鏡粉「爛到不堪」。
另外，有網友認為鏡粉將應援物放在草地上供其他人打卡，上述行為缺乏尊重，「以為係教主音樂節」。
有網友轉載相帖文到討論區，引起網友熱議。發文網友指早前MIRROR任國際知名DJAlan Walker演唱會，已出現類似情況，「成班fans令人哋成個區空咗。」網友續指出：「成日話人盲反， 有冇諗過其他人點解咁憎佢地。表演差只係其一，更多嘅係成班fans行為幾咁失禮」。姜濤早前鼓勵粉絲接觸其他類型音樂，有網友轉載該則帖文，並表示：「每年嘥咁多時間幫佢慶祝生日、 應援，寧願吹風都唔嘗試接觸吓其他音樂？」
有網友建議以後不應再邀請MIRROR與其他歌手同場，「鏡粉搶晒啲飛但完全唔識尊重，真係冇見過外國嘅music festival會係咁肉酸」。
惟有人認為，鏡粉沒有義務為主辦單位充撐場面，「佢哋已經企外面盡量唔阻住入面表演嘅人，（好過坐喺度玩手機，更加唔尊重），佢地亦無義務幫主辦單位去"充撐場面"」、「鍾意就入場睇，唔鍾意但入場睇」、「歌迷整應援比大家玩幫自己歌手應援宣傳又有罪？唔去X bp bts個啲？」、「其實出面海濱好多人都係無買飛」。