敖嘉年大懵盤膝繪畫個半鐘 傷半月板入院施手術：而家係痛住行
撰文：吳子生
出版：更新：
敖嘉年今日（6/4）現身荃灣有線電視大廈出席HOY TV節目《健康關注組》節目錄影。敖嘉年透露日前左腳半月板撕裂受損，需入院進行修復手術，傷勢仍在康復中：「我之前因為盤膝坐住畫畫坐咗成個半鐘，起身嘅時候太過心急冇伸展到隻腳，點知感覺到隻左腳劇痛，成隻腳想伸直都伸唔到。之後我就即刻去睇醫生照磁力共振，醫生話我隻腳半月板撕裂咗，要入院全身麻醉動手術。留咗一日院就走得。而家都要覆診同做物理治療，而家我係痛住咁樣行。嚟近我4月29日有舞台要演，而家跳唔到，唯有留返俾其他跳，而我就行住咁去演。」
敖嘉年日前左腳半月板撕裂，需入院進修復手術。（陳順禎攝）
敖嘉年今日現身荃灣有線電視大廈出席HOY TV節目《健康關注組》節目錄影。（陳順禎攝）