麥明詩猴擒食相被指失儀態 十優再爆seed：強調女仔斯文好鬼封建
有時候，標籤這東西真的很可怕。就好似「Lady Frist」，男士如果不讓又會話無風度，總之男男女女身上扛起多種無形且非必要的責任，想起來真的很累，可是寶寶不說......而現實中又有一個例子證明充滿標籤的無奈。說的就是有「十優港姐」之稱的麥明詩，她這名字就與無數名詞掛勾，如：有儀態、淑女、溫柔，諸如此類。簡而言之，如果麥明詩做了跟以上名詞相反的事，就是有失身份。而話口未完，她剛巧就被周刊影到「猴擒」的食相，還指她有失英式淑女氣度。當事人Louisa見到報道後，深感無奈，忍不住在Facebook上載相關照片，還有一張前英國首相卡梅倫的食相，然後似有所指回應事件，內文如下：
今日學到幾樣嘢：
1. 以後食嘢千祈唔好擘大個口。出街最好帶個鹽水袋，人地食飯我就打點滴，營養直接隊落條血管到，咁就萬無一失喇！唔怪得之有時喺深圳做嘢經過啲診所，見到好多人舉起手打點滴，佢地應該係好有儀態咁食緊high tea。
2. 就算真係真係要用個口食嘢，食蛋撻一定要用刀叉，咁先至有英國淑女風範。前年英國大選嗰時，卡梅倫都畀人影到用刀叉食熱狗，雖然畀人串離地，但係卡梅倫係國王威廉四世嘅直系後裔，佢喺媽咪個肚嗰時應該已經用緊刀叉食嘢，佢呢啲只不過係真性情而已。早喺2010年佢曾經屈就自己，喺NY用手食熱狗，佢應該係好似我咁，從此後悔莫及，所以喺2015大選時went back to his old ways。
3. 就算有嘢做呢，都唔好急，因為雖然時間唔等人姐，但係人係會等人㗎嘛
PS 有時化咗妝，係要擘大啲個口食嘢，咁先唔會食晒啲唇膏
有網民見到以上千字文，紛紛留言勸她唔好勞氣，仲讚她本身靚女，這種報道手法是另類的讚美，她都以一貫輕鬆幽默的態度回應：「唔鍾意啲人成日強調咩女仔斯文儀態，好鬼封建。」、「又好似係。讚得太勁讀者會以為我畀咗錢」，期間她亦回應化妝時進餐心得：「一啖擺落口就最乾淨！」麥明詩這個post引起不少網民討論，帶出現今社會充滿性別定型的問題，整體都支持麥明詩做回自己，不要受主流思想所牽引。