極度俏郎君｜Phoebus日花兩小時改變膚色 與Candy飾演情唔尷尬
撰文：林得懿
出版：更新：
Winka因發燒而缺席記者會，Candy表示有慰問對方。（梁碧玲攝）
ViuTV新劇《極度俏郎君》今午（11日）舉行記者會，Candy （王家晴）首次拍劇就要同 Phoebus （吳啟洋）做情侶，二人接受訪問時笑言一開始係有少少尷尬。「我哋都唔使點培養感情，化妝時大家都好靜，但一埋位就自然有嘢講。」
Phoebus今次在劇中的有不少突破。（梁碧玲攝）
Phoebus 於劇中除了不少動作場面之外，又要食煙，難怪他說挑戰性十分大：「有場戲由晚上9點幾拍到早上，（覺得自己有無潛質？）唔敢講自己有無潛能，但我有阻滯拍攝，第一次拍揸刀要打中對方，但我真係唔敢，但劇組話唔好留刀似先，我先慢慢去習慣。」Phoebus透露其中一場戲需求他邊抽煙邊玩電話，由於沒有抽煙習慣，所以他事前向工作人員請教，但到正式拍攝時都狂咳。Phoebus於劇中因飾演姜皓文嘅年輕版，所以每日埋位第一件事就係要搽黑的油。
比起Phoebus，Candy於劇中較為輕鬆，但佢話都想試試打戲。（梁碧玲攝）
Candy表示平日Phoebus角色都較為斯文，今次見對方又打又食煙，頗為驚喜。另外，提到隊友So Ching日前與友人到韓國旅行，她表示：「都好開心佢有放鬆嘅時間，希望大家都可以俾返啲空間佢，等佢自己再調整。」