和解在後｜趙善恆爆童星拍劇不願抱Ivy So自肥：我哋鼓勵佢先做
撰文：盧凱瑤
出版：更新：
今日（12/4）Ivy@COLLAR（蘇雅琳）與趙善恆@ToNick（恆仔）於中環出席活動，由他們擔任主演的《和解在後》成為網民熱討的電視劇集，無論是劇情還是演員的演技都獲得不少好評，當中Ivy so首次拍劇但其表演令網民眼前一亮，要數當中最令人激動一幕的必定是Ivy與童星孫詠軒（飾 明仔）的對手戲，皆因他被Ivy抱緊在懷中，令一班蘇蝦（Ivy歌迷名）非常激動，甚至表示要派刀片畀肥仔：「唔好講咁多，明仔出嚟受靶。」
Ivy與童星孫詠軒的對手戲，令大班網民為此激動！（節目截圖）
Ivy與恆仔今日（12/4）於中環出席活動。（盧凱瑤攝）
在接受傳媒訪問時，恆仔就勸網民手下留情，更大爆明仔與Ivy拍劇內幕：「因為其實佢現場係唔制，我哋其他人都講『你係咪黐線㗎？』之後我哋鼓勵佢先做，佢先迫不得已為咗個角色，做佢嘅演出。」而Ivy 就笑言除了明仔之外，自己亦收到很多來自朋友的刀片：「Will（柯煒林）好Charm！點解你要同佢拖手？其實我自己都好擔心，大家手下留情啦，對我、對Will同對肥仔。」
恆仔大爆明仔與Ivy拍劇內幕。（盧凱瑤攝）
Ivy表示自己與柯煒林飾演情侶，令自己都收到好多朋友的刀片。（盧凱瑤攝）