李佳芯自認一嚿飯 被人抽水都唔知：幫佢諗埋合理化咗件事
撰文：吳子生
出版：更新：
李佳芯（Ali）今日（ 17/4）現身尖沙咀出席myTV SUPER 7周年活動，乘坐主題巴士巡遊祝賀。Ali表示：「其實我都好鍾意坐巴士，而每次坐親巴士我都選擇靠近窗邊嗰個坐位，因為沿途可以透過車窗望吓風景，睇吓周邊嘅事物，趁機可以放鬆唔使諗咁多嘢，過程係好舒服。」
李佳芯自嘲似一舊飯，被人抽水唔知。（吳子生攝）
被問有否發生過巴士情緣浪漫史？Ali笑言：「大家可能睇得太多電視劇，不過我都有過呢啲幻想，但好可惜從來都冇發生過我身上。（有冇發生博懵事件？）交通工具上就未試過，但就試過放學嘅時候，行行吓街，有位阿伯迎面行過嚟，佢隻手會無啦啦咁伸埋嚟摸一摸我隻手，當時我就諗佢係唔係唔小心呢？（點解當時唔出聲？）嗰陣時仲係一嚿飯嚟，我係會諗佢係咪唔小心呢？仲會幫佢諗埋合理化咗件事。而家人大咗就梗係知咩一回事囉，不過好彩呢啲事，就冇乜發生喺我身上，如果而家俾我遇到，我梗係會即刻出聲同埋報警。」
李佳芯乘坐主題巴士巡遊，祝賀myTV SUPER 7周年。（吳子生攝）
現場吸引好多人圍觀（吳子生攝）