【春嬌救志明】余文樂票房威　雙喜臨門做埋舅父：多個成員喇　　

余文樂昨晚在Instagram公布妹妹誕下BB，興奮留言︰「YEAH！我地屋企又多個成員喇！我做二舅父喇！」樂仔妹妹余文琪與橫州工業隊友陳守健在2015年結婚，今早妹夫陳守健在Instagram亦公布要做爸爸，又感謝老婆辛勞︰「好多謝妳幫我地增添一位肥肥白白、健健康康既新成員！今晚我見到妳咁辛苦，雖然妳受既痛楚時間比一般人短，但我都深深感受到妳既痛，而我又幫唔到手，只可以緊緊握著妳既手，說一些鼓勵既說話，為妳打氣。」

余文樂一向與家人感情好好，昨晚亦去醫院探妹妹和BB。網友見到樂仔做舅父，亦留言催婚叫樂仔「幾時生返個？」余文樂去年傳出與台灣皮草大王千金王棠云（Sarah）拍拖，感情一直保持低調。剛剛樂仔主演《春嬌救志明》上映，女友Sarah即刻同一班好朋友去捧場，更加上Hashtag「張志明好man窩（喎）」，擺明讚男朋友有型。《春嬌救志明》票房在中港台大賣，香港票房已過千萬，內地票房更衝破1億，加上榮升做舅父，絕對是雙喜臨門。