【日本遊源地】相葉雅紀＠千葉　嵐粉絲必去食店　睇夜景掃Outlet

他約我去日本迪士尼，但落錯車去東京站，咁就認真濕滯！東京迪士尼其實不是在東京，而是位於千葉縣浦安市，聞說千葉縣出名人品好又善良，係真唔係？睇睇「千葉人辦」國民天團「嵐」的相葉雅紀就知，連跟他合作節目《天才！志村動物園》（天才！志村どうぶつ園）的老牌主持人都讚不絕口。

34歲的相葉雅紀來自千葉市，14歲加入尊尼事務所受訓，不時在前輩團如V6、KinKi Kids身後伴舞，直到1999年跟大野智、櫻井翔、二宮和也、松本潤組成「嵐」並在夏威夷出道，相當大陣仗！相葉在嵐中屬於「異類」，因其餘4子都是出身於東京都，只有他一個來自千葉，不過都無有怕，千葉去東京都只需搭40分鐘JR車程，計落上水去紅磡都係咁上下；相葉亦常以作為千葉人感自豪，經常把「千葉人好友善」掛在口邊。

過兩個月就到暑假，去開東京的話，不妨近近地過千葉玩一玩，這裏當然不止得相葉雅紀，今次就同大家介紹幾個好去處。