肥媽李鼎｜肥媽鼎爺同游嘉欣首合作被對方嚇親：經常用詞不當
撰文：吳子生
出版：更新：
由肥媽（Maria Cordero)、鼎爺（李家鼎）及游嘉欣主持的無綫全新飲食節目《肥媽李鼎》今日（21/4）於將軍澳電視城舉行記者會。肥媽受訪時直指同游嘉欣首次做拍檔勁有火花：「我同佢做咗呢個節目之後，發覺我哋識嘅嘢，佢哋原來係唔識，例如好似話『打斧頭』咁，佢真係唔知係咩意思。相反我哋又喺佢身上學返咩叫做『收兵』，大家互學。喺嗰過程中發覺自己原來好多嘢都唔明白年青人諗啲乜，因為好多時候嘅代溝，係我哋冇去了解佢，而佢啲阿媽又唔畀佢入廚房，又冇話同佢去傾，反而而家咁，我又學到嘢，佢又學到嘢，其實咁樣真係幾難得。」
由肥媽（Maria Cordero)、鼎爺（李家鼎）及游嘉欣主持的無綫全新飲食節目《肥媽李鼎》今日於將軍澳電視城舉行記者會。（吳子生攝）
最強CP！（吳子生攝）
游嘉欣驚唔驚？（吳子生攝）
鼎爺忽然嚴肅講道：「嘉欣佢經常喺節目度用詞不當，又多懶音，我大膽啲講句，其實同佢學校同父母都好大問題，就例如小朋友返到去，發覺佢講嘢唔正確就到糾正佢，但好無奈有啲老師同家長本身都有懶音，變咗佢耳濡目染之下，喺唔知情下出到嚟就撞版，咁就死啦。不過佢都受教嘅，但係佢喺我最忙煮緊嘢嘅時候，不停咁追問，搞到我嗌晒救命，叫肥媽救我。」
鼎爺用心良苦！（吳子生攝）
真係唔多滿意。（吳子生攝）